Komin á gjörgæslu

Síðustu tvo daga hef ég verið mjög slöpp og versnaði mikið í nótt og undir morgun.  Ég var komin með mjög þunga öndun og súrefnismettun orðin léleg.  Mamma og pabbi fóru með mig beint til Sigurlaugar og þaðan strax yfir á barnaspítalann.

Kom í ljós að ég er með vökva í öðru lunganu og hefur það fallið örlítið.  Er ég því komin á gjörgæsludeild og mun vera þar þar til öndunin hefur náð sér upp og lungun hafa hreinsast.  Blóðprufan er sem betur fer góð og sýndi enga sýkingu.  Samt á að setja mig á sýklalyf til að gera allt sem hægt er til að forðast að vökvinn sýki lungun.

Nú ligg ég fyrir með snúrur og slöngur við mig alla og er ég komin með sérstaka öndunargrímu til að ná lunganu "upp".  Mamma ætlar að vera hjá mér í nótt og pabbi ætlar sem að vera hjá mér á morgun.   Þannig verður það þar til ég fæ að koma með þeim aftur heim.

Athugasemdir

[Aldís (IP-tala skráð) 31.7.2008 kl. 20:03]

Æi en leiðinlegt að heyra elsku Elva Björg, vona að þú náir þér fljótt.  Sendum ykkur öllum baráttukveðjur og hlýja strauma.  Við hugsum til ykkar elsku fjölskylda.

 Risaknús frá Kvistavöllunum,

 Aldís, Halli, Silja, Siggi og Ragnar Emil.

[Sigga Kristín (IP-tala skráð) 31.7.2008 kl. 21:27]

Elsku Elva mín, ég vona að allt gangi vel. Hugsa til ykkar alltaf. Sendi ykkur baráttukveðju. Knús til ykkar allra :*:*