Nú vil ég fara að komast heim í "venjulegt" heimilislíf

Dagurinn er búin að vera nokkuð góður.  Mamma og pabbi komu með stólinn góða í morgun og er ég búin að sitja í honum nokkru sinnum í dag.

Mömmu og pabba finnst þau sjá mikinn mun á mér í stólnum því þá er ég meira að fylgjast með því sem er að gerast í kringum mig og virðist glaðari.  Ég sýndi meira að segja bros í dag, eitthvað sem ég er ekki búin að gera í marga daga.  Það er auðvitað ekki auðvelt að setja mig í stóllinn með rörin og snúrurnar hangandi við mig en það er sko þess virði.

Slímið er enn að hrella mig en þó minna en síðustu daga.  Smá fall í mettun hefur orðið en það hefur verið hægt að grípa inní það snögglega.

Daníel Örn og Edda Kristín koma til baka frá Íslandi næsta þriðjudag og getum við varla beðið eftir fá þau heim aftur.  Ég er búin að sakna þeirra hvern einasta dag sem þau hafa verið í burtu.  Edda Kristín hringdi í gær og sagði að það væri komin út ný Söngvaborgardiskur og ætlar hún að kaupa hann handa mér .

Nú viljum við sjá að ég geti komist heim sem fyrst og eru allir að leggjast á eitt til að svo geti orðið.  Ljóst er að á síðustu tveimur vikum hefur heilsu minni hrakað mikið og aftur verður ákveðin breyting á daglegu heimilislífi.

Athugasemdir

[Ingi Guðný og Baddi (IP-tala skráð) 17.8.2008 kl. 14:06]

Hæ elskurnar! hugsum til ykkar every day. kv. fra okkur a Islandinu. Mamma Sessa biður innilega að heilsa ykkur. Ingi Guðný og Baddi Bú.

[Gurra (IP-tala skráð) 18.8.2008 kl. 16:03]

Sæl fallegust.

Til hamingju með brosið!!!

Það er langt síðan að ég hef kíkt á bloggið þitt. hef verið í fríi frá tölvunni allt sumarfríið. Ég sé að það hefur mikið gerst síðan síðast og þú heldur þinni hetjulegu baráttu áfram.

Ég vona að þú komist heim sem fyrst í venjulegt heimilislíf í faðmi fjölskyldunnar. Hafðu það gott.
Baráttukveðjur til ykkar allra.

Gurra.