Líðan mín er nokkuð stöðug

Fyrir nokkrum dögum var ég flutt aftur yfir á einstaklingsherbergi á gjörgæsludeildinni.  Nú er ég komin aftur á herbergið næst vaktinni og segir e.t.v. hvernig dagarnir hafa verið.  Síðustu daga hef ég verið á súrefnisaðstoð í gegnum aðra nösina, yfir nóttina en verið án hennar yfir daginn.  Það hefur gefist nokkuð vel en þó hef ég orðið mjög þreytt seinnipart en öndunin hefur orðið þung.

 

Í morgun var ég nokkuð góð en þegar líða fór á morguninn fór mér að líða verr.  Ég kvartaði nokkuð og hreinsaði pabbi slímið úr nefinu og hálsinum.  Allt virtist í góðu lagi en nokkru síðar fékk ég slæmt öndunarfall.  Enn og aftur þurfti skjót viðbrögð og sem betur fer náði ég mér nokkuð fljótt aftur.  Í framhaldinu varð ég þó að fá öndunarrör til að létta á önduninni.

Þetta atvik tók mikið á, enda voru systkini mín líka hjá mér þegar þetta gerðist.  Eftir þetta ræddu þau enn og aftur saman við mömmu og pabba um hve alvarlegur þessi sjúkdómur er og hvað hann getur gert.  Voru það erfiðar og tilfinningaríkar stundir.

Líðan mín er nokkuð stöðug.  Það er samt ekki hægt að segja að hún sé góð.  Ég er að fá þessi slæmu öndunarföll sem virðist vera að ágerast örlítið og er það er mikið áhyggjuefni.

Athugasemdir

[Gróa (Stullamamma) (IP-tala skráð) 25.8.2008 kl. 00:27]

Ég fylgist alltaf með hér á síðunni og mikið hef ég hugsað til ykkar síðustu vikur!  Þetta er andstyggilegur sjúkdómur og erfitt að horfa upp á þessi litlu kríli í öllum þessum græjum.  En mikið eruð þið dugleg að halda samt áfram að blogga og setja inn myndir af litlu prinsessunni sem er svo falleg að hún hlytur að vefja öllu staffinu um fingur sér!!  Gangi ykkur vel.

Baráttukveðjur frá Stulla fjölskyldu.

[Guðný Anna (IP-tala skráð) 25.8.2008 kl. 06:04]

Ást, kossar og stórt faðmlag á ykkur öll.

GuA

[Ingibjörg Sif (IP-tala skráð) 25.8.2008 kl. 12:26]

Sæl kæra fjölskylda.  Ég kíki alltaf hér inn til að fylgjast með baráttunni.  Gott að stóru systkinin eru komin heim til að halda aðeins í höndina á mömmu og pabba.  Gott að sjá brosið aftur hjá þeirri litlu!

kveðja, Ingibjörg Sif

[Sigga Kristín x-pera (IP-tala skráð) 25.8.2008 kl. 16:18]

Kossar og Knús til ykkar elsku fjöskylda:* ég er alltaf að hugsa til ykkar... Baráttu kveðja til ykkar... Kveðja frá rigningunni á Sauðárkrók

[Hallgrímur Guðmundsson (IP-tala skráð) 25.8.2008 kl. 20:53]

Endilega að kynna ykkur betur NIV protocolið.  Það er það sem hjálpar þessum krílum mest og best og eina leiðin til að koma í veg fyrir slímsöfnun í öndunarveginum.

 Kv. HAL

[Bryndís Líndal (IP-tala skráð) 25.8.2008 kl. 21:45]

Hæ elsku fjölskylda. Ég er ný búin að frétta af blogginu ykkar og fylgist með ykkur. Að horfa á litla sólargeislann sinn berjast fyrir lífi sínu hlítur að vera það erfiðasta sem nokkur foreldri getur lent í. Þið eruð alveg svakalega dugleg og ég sendi ykkur mínar bestu baráttu kveðjur og takk fyrir að blogga og leifa okkur að fylgjast með.  Guð geymi ykkur

kossar og knús frá Keflavíkinni

Bryndís Líndal

[Ása og Tryggvi Þór (IP-tala skráð) 26.8.2008 kl. 15:19]

Ohhhh hvað er gaman að sjá bros hjá litlu prinsessuni - hún er svo mikil baráttudama.  Takk fyrir að halda áfram að blogga - þá fær maður óbeint að taka þátt í þessu með ykkur.  Hugsa hlýtt til ykkar, hugrakka fjölskylda.

STÓRT knús til ykkar allra frá okkur.

Ása og co. í Kef.

[Eirika og Bussi (IP-tala skráð) 27.8.2008 kl. 11:56]

Sendu barrattukvedjur fylgjumst med ykkur daglega

knus kuns  Eirika og Bussi