Þokkalegir dagar að baki

Síðustu dagar hafa verið þokkalegir.  Ég er þó búin að eiga daga sem langt var í brosið og virtist vera hálf leið.  Í byrjun vikunnar var ég með hita og leið ekki vel.  Ákváðu því mamma og pabbi að fara með mig niður á sjúkrahús í skoðun.  Lungnamynd var í lagi og útöndun einnig.  Ekkert mein fannst heldur í blóðinu svo að ég fékk að fara aftur heim eftir skoðunina.

Þó svo ég sé búin að vera kát og glöð í dag, þá er ég að hafa áhyggjur af púlsinum því að hann er búin að hanga í efri mörkum í allan morgun.  Það er búið að hreinsa öndunarveginn með öllum tiltækum ráðum og vonandi næ ég að fara að slaka á og ná góðum miðdegissvefni. 

Athugasemdir

[Ágústa mamma Ásgeirs (IP-tala skráð) 5.10.2008 kl. 15:01]

Sæl. leiðinlegt að heyra að þú sért ekki nógu hress. Vildi bara kvitta fylgist alltaf með ykkur. Fann ykkur í gegnum bloggið hans Ragnars Emils.angi ykkur vel. kv Ágústa mamma Ásgeirs sem er líka langveikur

[Ingibjörg Sif (IP-tala skráð) 5.10.2008 kl. 16:41]

Hæ sæta - alltaf saman pæjan   Vonandi er þetta bara hár "gleðipúls".  Gott að ma+pa eru duglega að setja inn fréttir og sérstaklega myndirnar, gaman að þeim. Fylgist alltaf með þó ég kvitti nú ekki í hvert sinn.  Bestu kveðjur,

[Rannveig frænka (IP-tala skráð) 5.10.2008 kl. 22:54]

Hæ sæta frænka, vona að þú farir nú öll að hressast og nýja kerran þín er æðisleg!

Kveðja Rannveig Gummadóttir

[Aldís og Ragnar Emil (IP-tala skráð) 6.10.2008 kl. 10:45]

Hæ sæta skvísa, vonum að þér fari að líða betur.  Flott nýja kerran/bílstóllinn, Ragnar Emil er eiginlega orðinn of stór í sinn.  Við erum mjög öfundsjúk út af veðrinu hjá ykkur, hehe, ekkert smá æðislegt að komast aðeins út í göngutúr. 

Við erum enn á spítalanum en í góðu yfirlæti og komumst vonandi heim sem fyrst, Ragnar Emil er allur að hressast.

Knús frá klakanum, Aldís og Ragnar Emil.

[Salóme Mist (IP-tala skráð) 6.10.2008 kl. 16:35]

Stattu þig stelpa ;) 

Við sjáumst svo örugglega fljótlega!