Með öndunartæki á Jólaballi

Ég er því miður orðin mjög háð öndunarhjálp og hef þurft að vera mikið á grímunni en hef þó náð nokkrum tímabilum þar sem ég hef getað verið án hennar. 

Ég reyndi þó að láta þetta ekki hafa of mikil áhrif á jólahaldið hjá mér.  Þó hafa komið upp erfiðleikar og til að mynda var jólabaðið mitt mjög erfitt og þurfti ég aðstoð bæði mömmu og pabba svo og Daníels bróðir til að geta klárað baðið án mikilla erfiðleika.

Ég fékk ótrúlega mikið af kveðjum og gjöfum.   Föt, kerti, bangsa með ljósum og kisu sem mjálmar.  Þá gáfu mamma og pabbi mér stóran vönd af blöðrum því að ég á svo auðvelt með að leika mér með helíum blöðrur.  Get togað þær til mín og hrist þær.

Á annan dag jóla tók ég mig til og fór á jólaball með fjölskyldunni.  Auðvitað ekki auðveld ákvörðun en okkur fannst við verða að reyna að fara.  Ég skemmti mér frábærlega.  Hitti Jólasveina og hlustaði á jólatónlist flutta af hljómsveitinni hans Hemma frænda.

PS. vonandi næ ég að setja inn myndir frá jólunum bráðlega en pabbi finnur ekki snúruna fyrir myndavélina og hefur ekki getað sett myndir inn. 

Athugasemdir

[Björn Hinrik (IP-tala skráð) 28.12.2008 kl. 11:14]

Elsku Elva Björg og fjölskylda,

Kærar jólakveðjur frá Wagrain,

Það biðja allir að heilsa,

Björn Hinrik og co

[Guðný Anna (IP-tala skráð) 31.12.2008 kl. 15:54]

Hæ ljúfust og gleðilegt árið til ykkar allra.

Við erum komin heim aftur, flúðum rigningu og dumbung á Hainan og ákváðum að fara heim! Gátum ekkert kíkt á þig á rigningaeyjunni en bíðum nú spennt eftir myndum af jólunum þínum.

Jólamaturinn sem mamma þín fann í frystinum rann ljúflega niður og gerumst við nú bara feitari!

Ást og kossar á ykkur öll.

[Helena Ósk X -pera (IP-tala skráð) 2.1.2009 kl. 10:12]

Elsku fjölskylda

Ég ósk ykkur gleðilegra jóla og farsældar á komandi ári.

Planið er svo að kíkja til lúx á árinu 2009 og fá loksinns að hitt lítlu prinsessuna.

nýjárskveðjur

Helena ósk