Ég á þetta sjónvarp !

Ég er búin að vera að fá örlítil föll síðustu daga en blessunarlega hefur verið hægt að hreinsa öndunarveginn fljótt og vel.  Þess á milli hafa tímarnir bara verið nokkuð góðir og notalegir. 

Það kom tillaga frá heimahjúkruninni að við fengjum öryggishnapp til að hafa heima og verður hann vonandi settur upp í dag.  Við verðum að vera raunsæ og hnappurinn ætti að gefa okkur aukna öryggistilfinningu.

Þar sem ég er algjörlega rúmliggjandi þá er mín besta skemmtun að horfa á uppáhalds barnaefnið mitt í sjónvarpinu.  Það svo sem heyrist ekki mikið í mér að jafnaði en ef aðrir á heimilinu eiga til að setja sjónvarpið á t.d. útþynnta unglingaþætti eða fréttir þá læt ég í mér heyra og á til að kvarta hástöfum.  "Ég á þetta sjónvarp" og allir fjölskyldumeðlimir vita það núna enda hætti ég ekki að kvarta fyrr en búið er að setja á efni sem mér finnst skemmtilegt. 

Athugasemdir

[Stína (IP-tala skráð) 17.1.2009 kl. 20:46]

LOL... mikið skil ég þig vel, enda er sjónvarpið í "þínu herbergi" ;D  Þú heldur áfram a standa þig vel stelpa,- eins og fjölskyldan þín öll !

Kveðjur frá ævintýraeyjunni

[Aldís Sigurðardóttir (IP-tala skráð) 18.1.2009 kl. 12:34]

He he gott að hafa sterkar skoðanir á hlutunum :)

Við erum komin með svona öryggishnapp og veitir hann mikið öryggi.  Sérstaklega þegar ég er ein með Ragnar Emil, í erfiðum aðstæðum er ekki hlaupið að því að fara í símann og hringja á sjúkrabíl.

Knús frá Kvistavöllunum, Aldís og co.

[Guðný Anna (IP-tala skráð) 19.1.2009 kl. 11:45]

Haaaaaaaaa já sýndu þeim nú hver ræður!

Ást og kossar,

GuA

[Steinunn Björg (mamma Þórhildar) (IP-tala skráð) 22.1.2009 kl. 11:59]

hehe ég kannast vel við þetta sjónvarpsgláp   Þórhildur er með lítinn ferða DVD í sínu rúmi, hún lætur sko alveg heira í sér þegar myndin stoppar haha