Ég á bestu systkini í heimi

Veikindi mín hafa verið erfið mér og mínum.  Yfirleitt minnist ég á að mamma og pabbi eru að gera þetta eða hitt en það má ekki gleyma systkinum mínum.  Þau eru alltaf ofboðslega dugleg að hjálpa og aðstoða.

Stóri bróðir er alltaf eins og klettur þegar á þarf að halda og tekur mikinn þátt í minni umönnun.  Hann er alltaf á varðbergi og ef eitthvað bjátar á þá er hann komin til að aðstoða.  Það eitt að baða mig tekur á og hann hefur nú ákveðið hlutverk til að það gangi vel og gerir það frábærlega.

Stóra systir kemur mér alltaf til að brosa.  Sama hvað gengur á.  Það geta verið þungir morgnar en um leið og Edda kemur inn í hádeginu þá er eins og það lyftist á mér brúnin.  Mér finnst hún svo skemmtileg og hún er svo dugleg að leika við mig.  Fimleikar, dans og hennar frábæri söngur fær mig til að brosa mikið og léttir minn dag.

Mig langaði bara að segja öllum að ég á bestu systkini í heimi !  

Athugasemdir

[Stína (IP-tala skráð) 1.2.2009 kl. 11:39]

Elsku ljúfan, þú ert ekkert smá heppin með þessi systkini þín  -pabbi þinn og mamma eru svosem ágæt líka

[Guðbjörg Steinarrsdóttir (IP-tala skráð) 1.2.2009 kl. 20:43]

Elsku Elva Björg, þú ert búin að vera duglegust! Birgitta frænka er að vinna í kvikmyndaupptökunum sem þær vinkonur tóku upp hér í Luxembourg  og við hlökkum öll til að sjá útkomuna. Bestu kveðjur frá Guðbjörgu, Óttari frænda og Óttari Anda.

[Erla Sigríður Sveinsdóttir (IP-tala skráð) 1.2.2009 kl. 23:39]

Sæl yndislegust.. var að kíkja í gegn um myndirnar þínar...það er sko alveg satt að þú átt flottustu systkinin..þau eru þér ekki síður til halds og trausts.

Guð gefi þér góða nótt og knúsaðu alla frá mér, Erla frænka.