Málaði með mömmu

Þó svo að veðrið síðustu daga hafi ekki boðið upp á að ég gæti farið út þá hef ég bara í staðin farið aðeins um húsið heima.

Í gær ákvað ég að sitja aðeins hjá mömmu og horfa á hana mála.  Mér fannst þetta allt svo spennandi og þegar það var búið að rétta mér pensil þá var ekkert annað fyrir mig að gera en að mála mína eigin mynd.

Mamma setti liti á pensilinn og hjálpaði mér að stýra honum á strigann og úr varð þetta frábæra listaverk.

Athugasemdir

[Gudny Anna (IP-tala skráð) 4.8.2009 kl. 10:19]

Mamma alltaf sniðug, frábært listaverk hjá þér.

Ást og kossar á ykkur,

gua

[Vilborg Jónsdóttir (IP-tala skráð) 4.8.2009 kl. 13:49]

Þetta hefur nú bara verið frábær dagur hjá ykkur mæðgum og Elva þú hefur sko alveg fengið listamannablóð líkt og mamma þín;) Þetta er bara flott;)

[Ingibjörg Sif (IP-tala skráð) 4.8.2009 kl. 16:55]

Algjörir snillingar báðar tvær!  Mikið ertu orðin hárprúð - komin með myndarlega tíkarspena! 

Kveðja til allra,

[Soffía Stefánsdóttir (IP-tala skráð) 5.8.2009 kl. 10:14]

Frábært málverk, við Ingibjörg höfum greinilega verið að horfa á það sama, fallegt rautt hár með ótrúlega flottum tíkarspenum  algjör pæja.

Bestu kveðjur til ykkar allra.

Soffía

[Elín (ókunnug) (IP-tala skráð) 5.8.2009 kl. 15:08]

Elsku litla stulka, ég hef fylgst með blogginu þínu lengi lengi. Mikið ertu dugleg og átt svo gott og duglegt fólk að enda sést það á öllum þeim heimsóknum sem þú hefur fengið, það elska þig allir og dá, þú ert líka gullfalleg. Listaverkið þitt er alveg meiriháttar fallegt og sómir sér örugglega vel hvar sem er.

Kær kveðja til þín og fjölskyldu þinnar og gangi ykkur alltaf sem best.

Elín.

[Vilborg Reynisdóttir (IP-tala skráð) 7.8.2009 kl. 09:24]

Elsku Elva Björg, ...  þú ert bara flottust   Knús og kossar. Kveðja, Vilborg