Örlítil hetjudáð

Ég hef haldið mínu striki þessa vikuna.  Haldið áfram að sýna mínar bestu hliðar síðan ég kom heim af sjúkrahúsinu.  Mettun hefur haldist góð nær alla vikuna og hef ekki fengið eitt einasta mettunarfall.

Viðbótarheimahjúkrunin frá krabbameinsfélaginu er eins og himnasending og er að létta okkur daginn mikið.  Nú þarf bara að skipuleggja heimahjúkrunina á þann veg að ekki verði of mikill tími á milli þess sem að hún kemur til að tryggja að engin nái að safna of mikilli þreytu í einu.