Í dag er ég fjögurra mánaða

Í dag er ég fjögurra mánaða og ætlum við að halda örlítið uppá það í dag.  Mamma ætlar að baka vöfflur og pabbi að hita kakó.  Ég get ekki beðið eftir að fá að smakka pínulítið.  Þó ekki sé nema smá smakk af þeyttum rjóma.

Með hverjum deginum er ég að sjá og læra eitthvað nýtt.  Ég er auðvitað búin að átta mig á að best er að láta einhvern halda á mér og labba með mig um til að ég geti skoðað nýja hluti.  Til að tryggja að það sé gert hef ég komið upp með þá frábæru hugmynd að drekka helst ekki úr pelanum mínum nema að það sé verið að sýna mér um á meðan.  Annars hef ég ekki verið mjög dugleg að drekka eða sofa síðustu daga því að ég er með kvef og þurfa því mamma og pabbi að hreinsa nefið mitt reglulega til að mér líði betur.

Á föstudaginn náði mamma að skreppa á myndlistarsýninguna hennar Línu Rutar og var Ingi frændi hjá mér á meðan.  Pabbi og Daníel komu svo loksins til baka frá London í gærkvöldi, eftir að hafa ferðast í 14 tíma því flugið þeirra í gærmorgun var aflýst.   

 

 

Athugasemdir

[Edda (IP-tala skráð) 30.3.2008 kl. 17:05]

Til hamingju með daginn litla skvís, mig langaði nú bara að kvitta fyrir mig en ég er alveg ókunn ykkur frétti bara af dömunni og blogginu hennar og hef verið að kíkja hér reglulega.

Hafið það sem allra best.