Þyngdarlækkun

Þó svo að ég sé sú allra duglegasta að drekka og borða, þá hef ég því miður ekki verið að bæta við þyngdina síðustu vikuna.  Hef meira að segja verið að léttast.

Ég veit að það er ekki gott fyrir mig að vera of þung en það er heldur ekki flott fyrir fimm mánaða að vera of létt.  Hann er erfiður þessi meðalvegur.   

Við höfum verið í sambandi við Sigurlaugu læknavinkonuna mína og ætlar hún að koma til mín á morgun.  Næstu tvo sólarhringa verður við að skrá allt sem ég set ofaní mig.  Hvern einasta millilíter af mjólk og hvernig hún er blönduð og hverja einustu skeið af graut sem ég fæ sem og hvernig grauturinn er blandaður.

Í framhaldinu verður næsta skref ákveðið en ég hef á tilfinningunni að það fer að styttast í að ég þurfi að fá gjafaslönguna.

 

Athugasemdir

[Ragnar Emil og mamma (IP-tala skráð) 14.4.2008 kl. 10:47]

Vona að þú farir aðeins að bæta á þig litla snúlla, já þessi meðalvegur getur verið ansi erfiður.  En þetta kemur allt hjá þér og gjafaslangan er bara alls ekki sem verst.  Allt annað líf hjá mér eftir að ég fékk slönguna mína. 

Bara hafið samband ef þið þurfið eitthverja hjálp.

Knús, Ragnar Emil og mamma Aldís.