Enn og aftur sýni ég hve mikil hetja ég get verið

Magaaðgerðin fór fram í morgun og gekk mjög vel.  Eftir aðgerðina var ég í öndunarvél fram eftir degi en hún síðan tekin kl 16 í dag.  Súrefnismettun er mjög góð sem og aðrar tölur og er ég hin hressasta miða við að vera nýkomin úr aðgerð.

 

Ég held að ég hafi komið flestum á óvart hversu hress ég hef verið og meira að segja náð að koma með fallegt bros til mömmu og pabba í kvöld.  Sigurlaug er á vaktinni í nótt og lagði til að mamma og pabbi skyldu sofa heima en mamma hafði þá verið hjá mér í meira en sólarhring. 

Ef ég sýni góðan bata næstu daga, sem ég auðvitað ætla mér að gera, þá má búast við að ég fái að fara heim um næstu helgi. 

Athugasemdir

[Aldís og Halli (IP-tala skráð) 6.8.2008 kl. 21:38]

Innilega til hamingju með hnappinn !!!

Frábært að allt gekk vel hjá þér Elva Björg, mamma þín og pabbi eru örugglega í spennufalli núna eftir þennan afdrifaríka dag.

Knús á ykkur öll, sérstaklega á þig Elva Björg duglega stelpa.

Aldís, Halli, Silja, Siggi og Ragnar Emil.

[Björn Hinrik (IP-tala skráð) 6.8.2008 kl. 21:41]

Þú ert hetjan mín.

Hlakka til að hitta þig.

XXX Björn Hinrik