Ein heima með strákunum

Heilsan mín er búin að vera nokkuð stöðug síðustu vikuna.  Ekki betri, ekki verri. 

Ég er svo sem búin að eiga mína góðu daga en svo koma líka dagar sem ég er ekki uppá mitt besta.  Mettun og púls er yfirleitt í lagi, engin alvarlegur hiti en svo koma líka dagar sem ég á til að falla í mettun, vera með háan púls eða fá örlítinn hita.  Svo á ég líka daga sem allt virðist vera í besta lagi (allar tölur) en líður samt ekkert vel.  Svoleiðis dagur var t.d. í dag.

Um helgina er ég ein heima með pabba og Daníel.  Mamma fór í stutta hvíldarferð til Íslands og Edda Kristín er í Sviss yfir helgina að taka þátt í Evrópukeppni í stærðfræði grunnskóla.  Ég ætla að reyna að ná að fara í göngutúr um helgina með strákunum.  Ég held að ég hefði mjög gott af því enda haustið enn í sínum bestu litum.

Athugasemdir

[Guðný Anna (IP-tala skráð) 8.11.2008 kl. 04:22]

Hæ litla sæta stelpa.

Þú lætur nú strákanna stjana við þig um helgina! Gott að mamma gat komist aðeins í húsmæðraorlof til Iceland Niceland.

Mikið er ég stolt af Eddu Kristínu að vera í Sviss og taka þátt í Evrópumóti í stærðfræði, alvöru stelpa hún systir þín!

Vonandi að þú komist í haustlita-göngutúr um helgina.

Vildi að ég væri með ykkur.

Ást og kossar

GuA

[Margrét Jakobsdóttir (IP-tala skráð) 8.11.2008 kl. 21:38]

Sæl Elva litla.

Hér erum við á Kanarí við Palli og Amma Dídi og Reynir Afi.

Við vorum að borða saman á hótelinu okkar H10.

Við hugsum öll sterkt til þín og þinna. Guð veri með þér.

 Innileg kveðja.