Kannski er ég draumhuga, en draumar eru spor....

í dag fór ég í læknisskoðun hjá teyminu mínu.  Ég var skoðuð hátt og lágt og almennt var útkoman góð.  Handarspelkurnar voru skoðaðar sérstaklega og virðist sem þær eru að gera mér mjög gott.

Tærnar eru byrjaðar að kreppast örlítið en ekki er ráðlagt að setja spelkur á fæturna.  Var mömmu og pabba sýnt hvernig best væri að teyja á fótunum og vonandi verður það til þess að fæturnir verði mýkri

Síðustu dagar hafa verið upp og ofan.  Betri þegar tekið er tillit til BiPAPsins en verður að hafa í huga að tækið er fyrst og fremst súrefnisaðstoð.  Þegar verið er að hreina öndunarveginn þá yfirleit fell ég örlítið en undanfarið þá á ég til að falla mjög mikið.   Síðastliðna daga hefur fallið orðið dýpra og um leið tekið lengri tíma að ná eðlilegri mettun aftur.

...í dansi þeirra er lifi í von um dirfsku ást og þol.

 

Athugasemdir

[Rannveig (IP-tala skráð) 25.11.2008 kl. 10:22]

Hæ sæta skott, gott að allt kom vel út úr skoðuninni, bið að heilsa fjölskyldunni!

Kveðja Rannveig Gummadóttir

[Hildur Ellertsdóttir (IP-tala skráð) 26.11.2008 kl. 21:45]

Sæl litla ljós.

Mikið óskaplega ert þú dugleg. Ég hef verið að skoða myndirnar þínar og dást af þér. Þú brosir svo fallega og hefur greinilega svip af bæði pabba þínum og mömmu.

Skilaðu kveðju til pabba þíns frá mér, hann var einu sinni eitt af ljósunum í bekknum mínum. Óska þér alls hins besta litla skott!

Kveðja

Hildur

[Guðný Anna (IP-tala skráð) 27.11.2008 kl. 15:21]

Bara að athuga hvort mamma og pabbi eru ekki byrjuð að baka fyrir afmælið okkar!!! Þú og mamma eruð bara sætastar og mér finnst pabbi líka geggjaður með gleraugu! Hann er svo virðulegur með þau að ég fer að óttast að ég þurfi að fara að taka mark á honum :)

Ást, kossar og stórasta faðmlag í heimi.