Mikilvægt að ná að koma festu á dagana

Nú er næringargjöfin orðin góð og mér líður mun betur.  Því er mikilvægt fyrir okkur að ná að koma á festu á daglegt líf.  Það gefur augaleið að mestur tími okkar fer í að annast og sinna mér.  Mamma og pabbi þurfa samt líka að gefa sér tíma í að sinna systkinunum mínum og því mikilvægt að við náum að skipuleggja dagana okkar vel.

 

Við getum alveg viðurkennt að þetta hafi verið erfiðir dagar og reynt mikið á almennt heimilislíf.   Minn dagur er komin í nokkuð góða rútínu og verðum við að læra að sníða restina af tímanum með tilliti til þess.

Á þriðjudag kemur Sigríður Kristín (Sigga pera) til okkar.  Sigga var au-pair hjá okkur veturinn 2006-2007 og nú ætlar hún að vera hjá okkur í sumar.  Það gæti e.t.v. hljómað skrítið að fá au-pair yfir sumartímann en skólaárið hjá systkinum mínum endar ekki fyrr en í lok Júlí.  Þá er mjög kærkomið að fá frekari aðstoð við heimilið svo við getum öll notið tímanns enn betur saman.

Það er mikil tilhlökkun á heimilinu, hjá mömmu og pabba en ekki síður hjá eldri systkinum mínum sem hafa saknað hennar mikið

Athugasemdir

[Kristín Pálsdóttir (IP-tala skráð) 25.5.2008 kl. 15:46]

Æ hvað er gott að heyra að allt gengur vel, ég fékk alveg hnút í magann þegar ég sá að mamma þín væri svo komin í gips ofan á allt annað!! En til hamingju með nýja pallinn og með Siggu peru,-

kveðjur frá Stínu "peru"

[Soffía (IP-tala skráð) 26.5.2008 kl. 12:05]

Voðalegur hrakfallabálkur getur hún mamma þín verið . Ég vorkenni henni samt rosalega, þetta er ekkert skemmtilegt. Gaman að sjá hvað þú braggast vel með nýju sondunni. Gamla au-pair gengið þarf eiginlega að koma aftur þegar nýi pallurinn er tilbúinn . Bið að heilsa öllu.

Kv. Soffía.