Því miður er ég ekki fall-laus

Síðasta sunnudag héldum við upp á eins árs afmælið mitt.  Kom fjöldinn allur af gestum og vil ég þakka öllum fyrir að koma í heimsókn til mín.  Þá vil ég einnig þakka sérstaklega öllum þeim sem komu með veitingar því það létti mikið á öllum undirbúning fyrir okkur.

Ég er búin að vera nokkuð dugleg síðustu daga en því miður er ég ekki búin að vera fall-laus.  Án BiPAPsins hef ég verið að falla í mettun allt of oft og í dag kom aftur fyrir að féll langt niður fyrir hættumörk og þurfti snör handtök og súrefni til að hjálpa mér að ná aftur eðlilegri mettun.  Ég varð auðvitað hálf slöpp í framhaldinu en í kvöld bara hin hressasta.

Svo virðist sem ég hafi ekki algerlega náð að sleppa við þetta þráláta kvef sem er að herja á alla og virðist vera að fái slímtappa sem erfitt hefur verið að losa.  Ekki gott fyrir minn litla kraft og mín veiku lungu en vonandi næ ég að hrista þetta úr mér næstu daga.

 

Athugasemdir

[Vilborg Jónsdóttir ( Söllu dóttir) (IP-tala skráð) 13.12.2008 kl. 07:52]

Til hamingju með afmælið skvísa;) Mikið hugsa ég oft til þín;) Þú ert svakaleg hetja. Halltu áfram að berjast. Kveðja Vilborg