Vinstra lungað virðist ekki ná að haldast að fullu opið.

Ég hef verið að falla mikið í mettun um leið og BiPAPið er tekið af mér.  Með það á mér er ég hins vegar í flottum málum.  Því hefur verið erfitt að hreinsa t.d. slím úr mér og hafa mamma og pabbi þurft að vera bæði við það og gera það mjög gætilega.

Tóku þau eftir því í dag að vinstra lungað nær ekki að haldast að fullu opið ef ég er ekki með öndunarhjálp.   Settu þau aukin kraft á tækið og í samráði við læknirinn minn þá er talið best að ég sé á tækinu sem mest og á auknum styrk næstu tvo sólarhringana.  Ég á líka að fara á sýklalyf því ef lungað nær ekki að haldast vel opið í lengri tíma, þá er meiri hætta á lungnasýkingu.

Vonandi næ ég góðum styrk í lungað næstu sólarhringa og ætlum við að reyna allt sem við getum til að svo verði.  Viljum við forðast að þurfa súrefnisrör til að lyfta lunganu upp því að styrkurinn minn er alls ekki nógu góður í dag og því getur verið hættulegt og erfitt að taka það úr mér þegar ég er komin á það á annað borð.

 

Athugasemdir

[Aldís (IP-tala skráð) 13.12.2008 kl. 19:58]

Æi elsku litla músin, hugur okkar er stöðugt hjá ykkur, sendum ykkur baráttukveðjur og fullt af faðmlögum.

Kveðja frá Kvistavöllum, Aldís og co.

[Stína (IP-tala skráð) 14.12.2008 kl. 01:29]

Elsku hjartans engillinn minn, þetta er búiðað vera erfiður skóli fyrir ykkur öll. En með kærleik og samheldni gerast kraftaverk og þið eruð  svo dugleg að lifa í núinu og njóta alls hins besta sem hver dagur hefur uppá að bjóða. Veriði áfram sterk því að það er það sem gefur lífinu gildi, - að  elska og vera elskaður

Ykkar Stína

[Anna Björg og Maddi (IP-tala skráð) 14.12.2008 kl. 18:23]

Við sendum ykkur öllum  baráttukveðjur og hlýja strauma.

[Kristín Ósk (IP-tala skráð) 14.12.2008 kl. 20:00]

Elsku litla sæta frænka.. vonandi mun þetta ganga rosa vel og ég hugsa stöðugt til ykkar! Þú og öll fjölskyldan eruð algjörar hetjur. Vildi að það væri ekki svona langt á milli okkar!!

Knús og kossar,, kveðja Kristín ósk

[Soffía (IP-tala skráð) 15.12.2008 kl. 09:56]

Kæra fjölskylda, það er mikið sem á ykkur öll er lagt og eðlilegt að velta fyrir sér spurningum um lífið, sérstaklega á þessum árstíma. Hugurinn er oft hjá ykkur, þið eruð svo dugleg og standið svo þétt saman og eigið góða að sem er svo dýrmætt.

Jólakveðjur, Soffía (gamla au-pair)