Gleðilegt nýtt ár

Daginn eftir að ég kom af sjúkrahúsinu var eins og eitthvað frábært gerðist.  Mér fór að líða miklu betur og fór að sýna mínar bestu hliðar.  Mettun frábær, öndunarvegurinn nokkuð hreinn og síðan þá hef ég verið að reyna að taka þátt í öllu í kringum mig.

Í gærkvöldi fór ég í matarboð til ömmu og afa í Niederanven.  Mamma og pabbi voru auðvitað hálf efins hvort að það væri of erfitt fyrir mig að fara út en ég get sagt að það var engin ástæða til að efast.  Ég var í matarboðinu í næstum fjóra tíma og naut hverrar mínútu.  Brosið fór eiginlega ekki af mér allan tímann.  Þegar ég kom heim í gærkvöldi sofnaði ég fljótt og vel og í morgun vaknaði ég aftur sátt og glöð.  Horfði á mitt morgunsjónvarp og söng og hló með.

Ég veit að í mínu lífi getur stundum verið stutt á milli gleði- og sorgarstundanna.  Því finnst mér aldrei meira gaman en að segja frá því þegar mér líður vel.  Þó oft séu erfiðleikar þá má engin gleyma góðu stundunum enda verður gleðin og kærleikurinn öðru yfirsterkari.  Þetta eru nýársskilaboð mín til þín.

Elsku ættingjar og vinir.  Gleðilegt nýtt ár.

Athugasemdir

[hildur Ellertsdóttir (IP-tala skráð) 1.1.2010 kl. 12:29]

Gaman að heyra svona góðar fréttir. Þú ert ótrúleg hetja Elva mín. Guð gefi ykkur öllum gott og farsælt nýtt ár.

[Rannveig Böðvarsdóttir (IP-tala skráð) 1.1.2010 kl. 22:15]

Gleðilegt ár kæra fjölskylda og mikið er nú gott að heyra að allt gangi vel með  Elvu

Kærar nýárskveðjur úr Grindavíkinni

Halla frænka og fjölskylda.

[Stína (IP-tala skráð) 2.1.2010 kl. 14:08]

Elskulegust, gott að heyra að þú hafir notið áramótanna í faðmi fjölskyldunnar,- og það er líka rétt hjá þér að á gleðin vegur þyngra en sorgirnar og þessvegna er þetta allt þess virði

Allar mínar bestu óskir um gleðilegt nýtta ár til ykkar allra

[Ella (IP-tala skráð) 2.1.2010 kl. 14:16]

Ohhhhh hvað er gott og gaman að heyra þetta.

Takk fyrir nýárskveðjuna, er góð ámynning. Gleðilegt og farsælt ár til ykkar allra líka.

 Love, Ella.

[Rannveig Jónína Guðmundsdóttir (IP-tala skráð) 2.1.2010 kl. 23:38]

Gleðilegt jól og ár og alltsaman, gott að heyra að þú ert öll að hressast!

Knús í brús! kveðja Rannveig.

[Soffía Stefánsdóttir (IP-tala skráð) 4.1.2010 kl. 09:00]

Gaman að heyra svona góðar fréttir af þér og frábært að nýja árið skuli byrja svona vel hjá þér, það hlýtur að vita á gott. Gleðilegt ár til ykkar allra.

Kær kveðja, Soffía, gamla au-pair

[Anna Hulda (IP-tala skráð) 9.1.2010 kl. 14:46]

Elsku Vala Björg, Egill og öll fjölskyldan í Lux.

Frá Björgu Huldu barst okkur dánarfregnin. Við sendum ykkur okkar innilegustu samúðarkveðjur og vonum að guð gefi ykkur styrk í ykkar miklu lífsreynslu. Kveðja frá okkur öllum í minni fjölskyldu.

Anna Hulda.