Komin aftur heim

Á annan dag jóla fór ég að sýna miklar framfarir og var orðin svo góð í gær að ekkert var til fyrirstöðu að ég færi heim.  Ég var því útskrifuð og kom heim í mínum sjúkrabíl seinnipartinn í gær, sátt og ánægð.

Á löngu tímabili á sjúkrahúsinu var mettun nokkuð lág og var erfitt að átta sig á hvers vegna.  Eftir að mér var sagt í gær að nú væri ég aftur á leiðinni heim þá var eins og mettunin stigi hratt í eðlilegar tölur og hefur haldist góð síðan.  Verðum við ekki bara að segja að heima sé best.

 

Nú er ég að taka eðlilega við mjólkurgjöf í gegnum magasonduna og hef ekkert verið að kasta upp síðan ég kom heim. 

Sem betur fer var þetta stutt sjúkrahúsvist eða fjórir dagar en ég hef aldrei áður farið á sjúkrahúsið og verið í jafn stuttan tíma.  Þessi vist var líka á margan hátt öðruvísi en áður því að í þetta skiptið var ekkert pláss á gjörgæsludeildinni og því þurfi ég að vera á almennri deild.  Því miður er kunnátta fagfólks þar við að meðhöndla sjúkling eins og mig ekki eins góð og á gjörgæslunni og því voru mamma og pabbi hreinlega beðin um að fara ekki frá hina einustu stund.

 

Athugasemdir

[Stína (IP-tala skráð) 29.12.2009 kl. 12:51]

    

[Vilborg Reynisdóttir (IP-tala skráð) 29.12.2009 kl. 22:59]

Gott að heyra Elva mín að þú sért komin heim, HEIMA ER BEST    Vá hvað Edda Kristín er mikil skvís með liðað hárið og svo sýnist mér Daníel Örn vera með gel í í sínu hári ?? bara töff  Knús til ykkar allra. Vilborg

[Ingibjörg Sif (IP-tala skráð) 31.12.2009 kl. 09:08]

Mikið var gott að heyra þetta.  Auðvitað er best að vera heima - enda úrvalsliðið sem hugsar um þig þar.

Gleðilegt ár

[Erla Sigríður Sveinsdóttir (IP-tala skráð) 1.1.2010 kl. 13:04]

Gleðilegt ár yndislegust...og duglegust í öllum heiminum...auðvitað er best að vera heima...gaman að tala við pabba þinn áðan og heyra að þú hafir getað verið í áramótaboði hjá ömmu og afa í gær...Guð og allir englarnir haldi áfram að vernda þig elsku litla frænka min...risaknús á ykkur öll...Erla frænka...