Dagar þar til ég fæ gjafaslöngu

Var í minni vikulegu læknisskoðun í morgun.  Almennt var útkoman góð en Sigurlaug hefði viljað sjá pínulítið meiri þyngdaraukningu.

 

Við Sigurlaug ætlum að hitta Dr. Pauly á fimmtudaginn og þá verður að öllum líkindum sett í mig gjafaslangan.  Það er orðið nokkuð heitt hjá okkur og ef hitinn er mikill þá verð ég hálf listarlaus og hætta á að ég fái ekki nægan vökva.  Þá telja sérfræðingarnir rétt að setja slönguna í mig núna til að sjá hvort að ég eigi ekki bara eftir að líka vel við hana.  Ef ekki, þá verður að setja í mig magasondu en það er talið rétt að gera það á meðan ég er hress því að hún felur í sér aðgerð sem getur reynt mikið á mig.

 

Athugasemdir

[Ingibjörg Sif (IP-tala skráð) 5.5.2008 kl. 11:04]

Sæl kæra fjölskylda.

Takk yndislega fyrir að taka á móti barnapíuhópnum svona "örfáum árum síðar".  Gaman að koma á fallega heimilið ykkar og hitta ykkur öll.  Gott að geta fylgst með hvernig gengur hjá ykkur, vonandi gengur þetta næsta skref vel hjá litlu snúllunni.

Takk aftur fyrir ánægjulega kvöldstund.  kveðja, Ingibjörg Sif

[Gurra (IP-tala skráð) 6.5.2008 kl. 15:42]

Kæra fjölskylda.

Ég tek undir þetta með Ingibjörgu. Mikið var gaman að koma í heimsókn til ykkar og njóta með ykkur þessarar indælu kvöldstundar. Hlakka til að sjá ykkur næst,

Gurra.