Tveir dagar með nefsondu

Nú er ég búin að vera með nefsonduna í mér í tvo sólarhringa.  Mamma og pabbi sjá mikinn mun á nætursvefninum enda hef í sofið báðar næturnar í átta klukkustundir án þess að vakna til að drekka.  Við getum núna náð að skipuleggja næringargjöfina eins og best verður á kosið og verðum við næstu daga að finna út hvernig best er að dreifa gjöf á fastri fæði og vökva yfir daginn.

Ég er samt búin að vera pirruð yfir daginn enda mátti svo sem búast við því.  Það er ekkert gott að hafa slöngu hangandi í sér og mér finnst slangan vera í sverari lagi.  Ég á til að kúgast örlítið yfir slöngunni og virðist sem það sé að myndast örlítið slím í hálsinum með henni.  Mamma og pabbi ætla því að sjá hvort ekki sé hægt að setja örlítið nettari slöngu í mig í dag og sjá hvort að það sé ekki betra.

 

Athugasemdir

[Stína (IP-tala skráð) 12.5.2008 kl. 19:52]

Elsku kerlingin mín, það er enginn smá plástur sem er búið að klína á þig ljúfust !! En tilgnagurinn helgar víst meðalið þannig að vonandi gengur þetta allt saman eins og best verður á kosið :)

Nú er s.s. tölvan mín komin í lag svo ég get farið að fylgjast með þér á netinu- fyrst pabbi og mamma eru svona dugleg að skrifa og setja inn myndir fyrir þig. 

Mínar bestu kvðjur til þín og ykkar allra með þökkum fyrir gestristnina um daginn  ,- knús og kossar frá einni af barnapíunni :D