Elva Björg Egilsdóttir

12.5.2008 | 20:51

Minni nefsonda og dagurinn strax betri

Slangan fór alls ekki vel í mig og um helgina var ég algjörlega ómöguleg. Ég kúgaðist af fastri fæðu, var vælin og óróleg. Þá byrjaði að myndast slím í nefi og hálsi sem ég hef verið laus við hingað til. Á laugardagskvöld fóru því mamma og pabbi með mig uppá barnasjúkrahús þar sem ég var mynduð til að hægt væri að ganga úr skugga um að slangan lægi eðlilega, sem hún gerði. Hins vegar var mikið slím í nefi og hálsi og mikið loft í maganum.

Í gærmorgun fór ég síðan í sjúkranudd til að losa loft úr maganum og til að losa um slím í öndunarveginum. Í morgun var gert hið sama og fengu mamma og pabbi þjálfun í að nota sogtækið. Mömmu og pabba fannst ekki auðvelt að setja sogrör í gegnum nefið á mér eða munn og niður í háls en þau sjá nú samt að mér líður mun betur á eftir.

Það sem gerði hins vegar gæfu muninn í dag var að ég fékk minni nefslöngu og mér leið strax miklu betur. Í dag gat ég auðveldlega borðað fasta fæðu án þess að kúgast og hef verið meira og minna eitt ánægjubros. Slímmyndun er þó enn einhver en vonandi náum við að losa um það fljótlega.

Flokkur: Bloggar | Facebook

Athugasemdir

OOObbosí, þetta hefur verið ljóta ævintýrið!! En gott að þér líður betur, enda ekki langt í brosið hjá þér litla ljós :)

Bestu kveðjur til allra úr rokinu og suddanum hér ;)

Stína (IP-tala skráð) 13.5.2008 kl. 10:17

Elsku litli engillinn.

Ég fæ tár í auga við að sjá hve mikið er lagt á litla sál. Hún er samt heppin að eiga svona góða foreldra sem gefa henni alla sína ást og tíma.

Með minni bestu kveðju.

Halla Rut (vinkona Stínu)

ps: Ætla að fá að benda á þetta á minni síðu.

Halla Rut , 13.5.2008 kl. 12:52

Ég bið guð að halda utan um þig litli engill og hjálpi þér. með kæri kveðju til þín og foreldra þína.

Kristín Katla Árnadóttir, 13.5.2008 kl. 13:21

Gangi þér allt í haginn, litla hetja. Megir þú ná góðum bata.

Með beztu kveðjum

Óskar Helgi Helgason

Óskar Helgi Helgason (IP-tala skráð) 13.5.2008 kl. 13:22

Elsku Elva litla hetja, sendi þér og fjölskyldu þinni baráttukveðjur. Ég ætla að fylgjast með baráttunni þinni og hafa þig í bænum mínum þó að ég þekki ykkur ekki. Bestu kveðjur Erna.

Erna, 13.5.2008 kl. 13:24

Baráttukveðjur frá Íslandi!

Markús frá Djúpalæk, 13.5.2008 kl. 13:31

Elsku barn, ég sendi þér og fjölskyldu þinni baráttukveðjur

Steinn Hafliðason, 13.5.2008 kl. 13:51

hjartans kveðjur litla ljós

halkatla, 13.5.2008 kl. 14:01

Elsku litla vina. Mér er ljúft að bæta þér í bænir mínar. Ósköp er lagt á litla stúlku og fjölskyldu hennar. Ætla að fá að halda áfram að fylgjast með ykkur. Guð gefi styrk og kærleik til ykkar