Það er fátt í kotinu

Systkini mín eru farin til Íslands í sumarfrí.  Af persónulegum ástæðum þurfti Sigga pera líka að fara til Íslands svo nú er ég bara ein í kotinu með mömmu og pabba.

 

Ég er búin að vera nokkuð hress að undanförnu nema síðustu tvo daga fékk ég hita og var með uppköst.  Það er ekki gott að segja hvers vegna en líklega hefur sondan verið að pirra mig eitthvað því að um leið og við skiptum um hana þá hef ég verið mun betri.

Þar sem ég sef fast og er ekki að hreyfa mig mikið í svefni, þá hafa moskítóflugurnar átt auðvelt með að stinga mig og er ég núna með fjórar ljótar stungur í andlitinu.  Nú sef ég undir góðu neti og vonandi láta þær mig í friði framvegis. 

Athugasemdir

[Aldís og Ragnar Emil (IP-tala skráð) 20.7.2008 kl. 13:10]

Gott að þér líður betur fallega skott, vonum að blessuðu moskítóflugurnar láti þig í friði héðan í frá.  Við erum enn inn á spítala en Ragnar Emil er orðinn miklu, miklu betri. 

Kveðja frá Íslandi, Aldís og Ragnar Emil.

[Guðný Anna (IP-tala skráð) 22.7.2008 kl. 14:41]

Bara að kíkja á þig sætust fyrir svefninn en það er komin nótt hér í Kínalandi og allir á leið í ból. Vonandi að fjárans moskítóflugurnar haldi sig langt í burtu frá þér mín kæra.

Koss á aldraða foreldra þína