Ég er búin að fá nýtt sjúkrarúm

Nokkuð óvænt, þá fengum við að vita með stuttum fyrirvara að búið væri að finna rúm fyrir mig og kom það til okkar fyrir helgi.  Ég er ótrúlega ánægð með gripinn og nýt þess að liggja í rúminu.  Þar sem við erum á fleirri en einni hæð, þá ákvaðu mamma og pabbi að setja rúmið á besta stað í stofunni og þar get ég notið þess að vera með fjölskyldunni enda erum við þar mestan hluta dags.  Á kvöldin er síðan hluti af græjunum fluttar með mér yfir í svefnherbergið. 

 

Dagarnir eru að mestu komnir í góðan farveg.  Á morgnana kemur Anna litla og gerir með mér æfingarnar mínar og rétt á eftir kemur Diddi sjúkranuddari og gerir mitt daglega lungnanudd.  Hjúkrunarfirðingurinn kemur síðan um hádegi og er hjá mér í nokkra klukkutíma.

Í síðustu viku var ég komin með hita og var ákveðið að ég færi aftur á skammt af fúkkalyfjum.  Nú er ég öll miklu betri og laus við hitann, alla vega í bili.  Slímmyndun hefur minnkað þó nokkuð.  Því miður hef ég ekki náð að nota hóstavélina en í staðin er ég komin með tæki sem víprar lofti kröftuglega í mig og hefur það hjálpað mér að losa slímið ótrúlega vel.  Ég hreinlega elska að fara í tækið.

Næsta skref er að gefa mér tækifæri á að komast annað slegið út úr húsi.  Gamla kerran er orðin alltof lítil og eru mamma og pabbi að skoða hvaða kerra getur hentað mér vel.  Ég get auðvitað ekki verið í hvernig kerru sem er því að hún þarf að vera með nokkuð harða dýnu og að það sé möguleiki að hækka undir höfðinu.  Þá verður auðvitað að vera hægt að koma hluta af græjupakkanum fyrir.  Verður skoðað næstu daga hvaða möguleika við höfum en því miður þá hefur sjúkrasamlagið sagt okkur að þeir munu ekki aðstoða við kaup eða leigu á kerru.

 

 

Athugasemdir

[Guðný Anna (IP-tala skráð) 22.9.2008 kl. 17:51]

Halló litla skotta. Flott nýja rúmið þitt. Ég er komin með tölvuna mína úr viðgerð númer tvö en Skype-ið virkar ekki enn.   Hún fer í viðgerð númer þrjú á morgun og þá verður vonandi hægt að kippa þessu í lag!

Ást og kossar til ykkar allra.

[Ingibjörg Sif (IP-tala skráð) 24.9.2008 kl. 09:17]

Flott rúm og sæt mynd af þér með blómin   Mikið ertu heppin að eiga svona góða fjölskyldu - toppurinn að fá að kúra í stofunni!

kveðja til allra

[Gurra (IP-tala skráð) 25.9.2008 kl. 10:57]

Halló fallegust. Mikið dæmalaust er rúmið þitt flott og heppin ertu að fá að vera í stofunni. Svo frétti ég að hertogafrúin sjálf hefði haft samband!?! Það er nú heiður sem fáum hlotnast.

Hugurinn er hjá ykkur öllum.
Kveðja,
Gurra.