Stefnumót við læknateymi

Í gær átti ég fund með læknateyminu mínu.  Útkoman er nokkuð góð. 

Ákveðið var að ég fengi spelku á hægri höndina en hún hefur verið að snúast full mikið.  Hættan er á að það geti leitt til sársauka seinna meir og því talið betra að prufa hvort ég þoli ekki að vera með spelku á hendinni á næturnar.

Í gær kom einnig í ljós að annað augað mitt rennur til annað slagið og virðist sem annað augað sé svokallaður letingi.  Við ætlum svo sem ekki að hafa of miklar áhyggjur af því í augnablikinu og ætlum að skoða það aftur í desember.

Síðustu dagar hafa bara verið nokkuð góðir enda hef ég sýnt meiri kátínu en í langan tíma.   Á miðvikudag átti Edda Kristín 11 ára afmæli og fékk ég sleikjó í tilefni dagsins og þótti mér það alveg frábært.  Hver veit nema ég fái meira nammi í kvöld í tilefni hrekjuvökunnar.

Athugasemdir

[Stína (IP-tala skráð) 3.11.2008 kl. 08:55]

Hæ litla pæjan mín!

Það eru bara endalaus afmæli og veisluhöld hjá þér!! Ég skil vel að þér finnist gaman af því, verst að geta ekki mætt líka,- allavega í Eddu afmæli. Þú verður bara að skila kveðjum og risa knúsi til hennar frá mér :D Það verður hinsvegar smá sárabót fyrir mig að fá mömmu þína í heimsókn, það er búið að skipuleggja rosalega fínan leikdag fyrir okkur ;)

Mínar bestu kveðjur til þín litla ljúfa XOXOXO

[Aldís (IP-tala skráð) 4.11.2008 kl. 14:41]

Namminamm hvað sleikjóinn hefur verið góður  

Vala, þú bara hringir í okkur, láttu okkur vita hvenær þú kemst til okkar, það verður gaman að fá þig.

Verst að geta ekki hitt litlu skvísuna líka en það bíður betri tíma.

Knús á ykkur öll í Lux,

kveðja, Aldís, Ragnar Emil og co.