Komin enn og aftur á gjörgæsludeildina

Þegar líða fór á morguninn fór líðan mín að versna enn frekar.  Var með háan púls og mettunin var bara rétt að hanga yfir hættumörkum, þó svo að ég væri á grímunni.  Pabbi og Eiríkur frændi reyndu allt sem þeir gátu að ná mettuninni upp en ekkert virtist ganga.  Þá var líka byrjað að myndast örlítil blóðmyndun með vökvanum sem kom úr magasondunni.

Rétt fyrir níu í morgun var ekki annað í stöðunni en að ýta á hnappinn og biðja um neyðarbíl og lækni og í framhaldinu var ég flutt með hraði á sjúkrahúsið.  Ég er því enn og aftur komin á Kanner Klinik.

Lungnamyndir og útöndunarmælingar eru góðar og líðan mín í kvöld er mun betri.  Það hefur þó komið í ljós að ég er með slæman magavírus og verður að vinna á honum fljótt og vel.  Ég er núna með næringu í æð, líður þokkalega vel og vonandi verður hægt að koma á næringargjöf í gegnum magahnappinn fljótlega aftur.

Athugasemdir

[Guðný Anna (IP-tala skráð) 25.2.2009 kl. 00:40]

Elsku, elsku stelpan mín. Vona að þér sé farið að líða betur og hægt verði að koma þessum ljóta vírus í burt! Stórt knús á þig, mömmu, pabba, Eddu, Daníel og Eirík frænda.

Þið eruð í huga okkar alltaf.

Luv GuA

[Vilborg Jóns (IP-tala skráð) 25.2.2009 kl. 04:05]

Langaði bara að kasta á þig baráttukveðjum ;) Vonandi lagast þetta sem allra fyrst;)

Kveðjur úr Njarðvíkinni Vilborg Jónsdóttir 

[Ingibjörg Sif (IP-tala skráð) 25.2.2009 kl. 09:58]

Mikið er leiðinlegt að heyra svona fréttir.  En þú ert greinilega í góðum höndum alla daga og nætur. 

Vertu sterk

[Aldís og Ragnar Emil (IP-tala skráð) 25.2.2009 kl. 11:13]

Elsku litla sæta mús, hugur okkar er hjá ykkur og vonum við að þú náir þér sem fyrst.

Risa knús og fullt af kossum frá fjölskyldunni á Kvistavöllum