Nætursvefninn ekki verið góður

Það virðist allt vera annaðhvort eða.  Í síðustu færslu má sjá að nætursvefninn sé góður en svo breytast hlutirnir hratt. 

Síðustu tvær nætur hefur nætursvefninn minn ekki verið góður.  Ég hef verið óróleg og verið í einu svitabaði og öndunin er ekki búin að vera góð.  Ég hef verið með mikið slím bæði í nefgöngum og hálsi og hafa mamma og pabbi reynt sitt besta að "sjúga" mig með reglulegu millibili.  Það virðist samt ekki duga nægilega vel að þeirra mati.

Hitinn úti og inni hefur einhver áhrif og ekki hafa mamma og pabbi verið að "sjúga" úr mér yfir blá nóttina en e.t.v. er það eitthvað sem þarf að fara að gera.  Sigurlaug vinkona mín ætlar að koma seinnipartinn í dag og gera á mér alsherjar skoðun til að ganga úr skugga að ég sé ekki komin með nein mein í öndunarfærin.

Athugasemdir

[Aldís og Ragnar Emil (IP-tala skráð) 29.7.2008 kl. 11:35]

Æi litla snúlla, vona að þú sért ekki komin með eitthverja leiðinda sýkingu. 

Ertu ekki komin með hóstavél (Cough assist) ?

Við notum hana allavega mjög mikið og nær hún slíminu vel upp og svo auðvitað sjúgum við slímið í burtu með soginu.

Vonum að næturnar fari að verða betri,

risaknús frá Kvistavöllunum, Aldís og Ragnar Emil.