Fyrstu næringargjafir í gegnum magahnappinn

Dagurinn er búin að vera mjög góður og ég held að ég hafi bara haldið áfram að koma öllum á óvart.  Ég svaf vel fyrstu nóttina eftir aðgerðina og síðan hef ég verið að sýna mitt allra besta.

Fyrstu gjafir í gegnum magahnappinn voru í dag.  Matseðillinn e.t.v. örlítið sérstakur en ég fékk vökva á tveggja tíma fresti.  Fyrst teblöndu, þá aftur teblöndu.  Síðan mjólk.  Aftur teblöndu og eftir það bara mjólk.

Ég er núna komin yfir á almenna barnadeild og er nú vonast til þess að ég fái að fara heim með  mömmu og pabba á morgun.  Þetta er búið að vera eitt allsherjar áhyggjustress og foreldrarnir komnir með höfuð langt ofan í herðar.  Vonandi geta þau nú náð að slappa aðeins af njóta þess að vera með mér heima við.

 

Athugasemdir

[Guðný Anna (IP-tala skráð) 8.8.2008 kl. 07:02]

FRÁBÆRT að heyra hvað allt gékk vel. Matseðilinn hjá þér er sýnilega að verða mjög Kínverskur! Þeir drekka endalaust te og fara síðan á kaffihús og fá sér mjólkurblöndu!!!

Knús á mömmu, pabba, Daníel og Eddu

Ást og kossar frá Kínalandinu

[Stína (IP-tala skráð) 8.8.2008 kl. 10:35]

Æðislegt að heyra hvað allt gengur vel, það verður léttir fyrir ykkur öll að komast heim í ykkar eigin rúm ;) Ég get rétt ímyndað mér að það sé ekki mikið eftir á batteríunum eftir þessa törn en það eru klárlega bjartari dagar framundan.

baráttukveðjur frá okkur Davíð