Mikið bakslag og aftur komin í öndunarvél

Í gærkvöldi fór ég á almenna deild og átti að vera þar yfir nótt, aðallega til að fylgja eftir næringargjöfinni og síðan vonað að færi heim í dag Föstudag.

Undir morgun fór ég að eiga í örlitlum erfiðleikum með öndun og var ég því flutt aftur yfir á gjörgæsludeild.  Nokkru síðar féll súrefnismettun hratt.  Var ég sett á grímuna góðu á meðan ég var rannsökuð frekar.  Kom þá í ljós að vinstra lunga hafði fallið.  Frekari skoðun leiddi sem betur fer í ljós að ekki var komin vökvi í lungað.

Var ég sett strax í öndunarvél.  Seinnipartinn í dag hafði lungað náð að lyfta sér næstum að fullu og var vélin þá að hjálpa mér með þriðjung af öndun en ég gat séð um að anda vel annars.  Ég var allan daginn á milli svefns og vöku enda á miklum verkjarlyfjum til að hjálpa mér að slaka á með öndunarrörið niður fyrir háls.

Ég verð í öndunarvélinni í nótt en vonandi verður mögulegt að ég losni við hana á morgun og í framhaldinu byrja ég aftur á að byggja upp kraft.  Þó svo við erum í sjálfum sér aftur komin á þann reit er við vorum á fyrir nýju dögum þá vil ég halda áfram að trúa að ég verði fljót að ná mér aftur á strik.

Athugasemdir

[Ragnheiður , 8.8.2008 kl. 23:26]

Baráttukveðja til þín litla fallega stúlka.

[Silja Huld Árnadóttir (IP-tala skráð) 10.8.2008 kl. 22:07]

Kæra Elva Björg og fjölskylda

Þú ert alveg svaklega dugleg stelpa.

Gangi þér vel og baráttukveðja frá Íslandi.

Sjáumst þegar við komum til baka til Lúx.

Með kveðju,

Silja, Árni, Elín Kolfinna og Birta

.